تعال علمني أخونـــك وسافــــــر
____________ما عـــــاد باقي لشرفة أحلامنا نور
تعال يكفي طـــول هالعمر ساهر
____________أخــــاف أضيع وينهدم داخلي سور
تعال لـــم الهجر لا تقول باكــــر
____________أخــــاف لا جا باكــــر تقول مجبور
تعال علمني وأنـــــا أقول حاضر
____________طبطب على راسي وقولي يا شطور
تعال شوف الجرح يحجز تـذاكـر
____________لعياد ميـــــلادي بتاريــــــخ محظور
تعال بهمس لك على صوت عابر
____________جرحــك كبير وشوف للجرح دكتور
تعال خـــــــذ قلبي معاكم وسافـــر
____________أخاف يصحى وما يلاقي لك حضور
تعال علمني أخونــــــــك يا شاطر
____________ما عــــــــاد باقي لشرفة أحبابنا نور
هيثم العيسائي