[راشد الهنداسي]

"الحزن" 2011-11-28

الحزن اسود من معابيس الوجيه
والحب في وسط الوجه كالشّامة
والوجه لو انه حزن لا ترتجيه
شامة جماله تختفي بعتامه
تذبل رموشه كنها مدت يديه
لكن عكس ما تبتغي إلمامه
حتى ارتداد الطرف من نظرة عنيه
ما هي حكاية يجلبك جدّامه
هذاك يوم انه طوى همه بيديه
ما ينتظر حد يقود زمامه
وهذاك يوم انه فقد أمه وأبيه
ما عاد همه خاله وأعمامه
إنسان يوم (ن) دنيته دارت عليه
وش حيلته مير(ن) يعض إبهامه
الموت لا يبغي جرس يوم (ن) يجيه
يأخذ أمانة يتركه بركامه
ما عاش شخص قط دامنه سفيه
أمسى بنى بيت وصبح هدّامه
مادام حب [ن] يتركه في منكبيه
وش فايدة شوق[ن] طويل القامة
صعب على الذكرى تواسي مدمعيه
والدمع تملي خطّها رسّامه
والعين تسرق فالنظر, وينك يهيه؟
وإن صادفت عينه تريد إعدامه
القلب شمعة واللهب في مقلتيه
وإن غمضت عينه تموت أحلامه
أوراق تنزف من حبر دمه عليه
لا جات تشكو من خدوش اقلامه
ما عاد جرح (ن) يعتبر أمر(ن) نزيه
ولا عاد يقتل من حياه إجرامه
حي[ن] دفن إلهام في راحة يديه
وميت نبش راحة يديه إلهامه
آخر طلاسم قلب إنسان (ن) شبيه
"حب (ن) يداس بخف فوق سنامه"