[نوره البادي]

بختفي بالجرح...وأطوي ذكرياتك

خلني بأذوب في وأهج شعورك

بختفي منك عشانك في حياتك!!

وأنكسر موجه على شاطي بحورك

بحترق وأحرق معاناتي بذاتك!!

وآتلاشى ظلمه..في ضي نورك

برفق بحالك وببعد عن شقاتك

مابي إحساسٍ مزيف في سطورك

هاك سيف الغدر... سله من سكاتك

وأطعن...وقطع فوادي من غرورك!!

روحي صدت ماتبي سكر نباتك

وأنكسر غصنٍ تغردبه طيورك

كمل بدوني وترا ما فات..فاتك

ذي حياتي....وما تساويها قصورك


نوره ( شاعرة ميدان )