[أبو رآكان الكلباني]

حسّــيت دمي كلما تِهت يـــنقص
وأحس بعصابي بدت في تقلّـــيص

قلت الطبيب بوجهِهِ الخير بدقص
بعض الاذى يبغي عـلاج ومداقيص

قال انتظر بسوي اشعه لك تّــلص
كل المرض بعطيــك دقه وتلخيص

وسقاني محــلولٍ به البطن يمْـغص
جابت رداة الحظ ذيب المقانيــص

ثم ارتعب وش شاف مدري ونا غص
واقول يالله بالفرج رب للعـــــيص


ويقول لي ولنّي بحــــلقه تشنّــص
م يلومني لا قمت اخرّص تخـــــرّيص


إسمع بقلبك يظهرلي شكــل شخص
خطير!!؟ مالك فالحياه مخرج بصيص !!

قلبك تغــــذ ّابه ودمّك لهو يمُــص
ومن زود ماغذّاه باقي على بيــــص

إتُموت باقلك ســـويعه على النــــص
تَبي علاجك ا؟ قسطره دون تقصيص !!!

بعض الدوا ياناس للـــروح يقرص
شيل لغضى من قلب مغليه تنغِــيص

دكتور إسمـــع لاحياتي تنغّــــص
بعلّمك مـــــن دون لَفِ وتِمـــلّيص

الشخص ياللي شــفته ماتقمّــــــــص
حُبِه ولاحُبـّـي عطيته تقمّـــــيص

ولاتقول لي بشرّ ٍ لقبـــــــــلي تِربّص
كذبت والله ماهجيــــتك يبوغليـص


هذاك حارس داخل الروح مُخلص
قلبي تملّك٠ في محبتـــــه برصيص

يوفي ليا يوم اقرب الناس ينكص
والجو حــــالك والليـــالي غطـاليص

مدام في روحي وحبّي لهـــو عُص
وش حاجتي للقسطره والتّمغـــنيص

إن عشت في قلـــــبي تعلّق على القص
وإن مت في نسخي حياتِه مب رخيص

كتبت ياروحي فلانه لكــي نص
يحتار فيه اهل الفهم حرفه عيص

عقاب لعيون