عرض مشاركة واحدة
  #1  
قديم 05-08-2017, 11:34 AM
سالم سعيد المحيجري سالم سعيد المحيجري غير متواجد حالياً
شاعر
 
تاريخ التسجيل: Aug 2014
المشاركات: 2,057

اوسمتي

افتراضي شي من الأجر يجزى على حسب العمل




محاورة شعرية (رزحه) يوم زواج سلطان بن خليفه المحاجري بتاريخ4/8/2017في ولاية جعلان بني بو علي
بين الشاعرين:
سالم بن موسى الشعيبي وسالم بن مسلم المحيجري
سيح العلا

سالم موسى:

باب التواضع والتسامح ينقفل
فمجالنا ماشي رضى ومسامحه

وسلامنا يعم الديره والحفل
ويلي يصافحنا لزوم نصافحه

سالم مسلم:

شي م الأجر يجزى على حسب العمل
وشي م العمل قبله تكون مناصحه

أهلا بسلامن أثقل من ذاك الجبل
وسلامكم منه تكون مرابحه

سالم موسى

صف الأكارم للاكارم منتقل
وبوصلنا دار الكرم متفرحه

ابني مقامن وبنيانه سعيدي اختل
لا فايدة لجينا ولاشي مصلحه

سالم مسلم:

مليون مره نرحب به الي وصل
ومكانهم فالقلب محد زحزحه

محنه وتعب يلي ابتلى بسقم وعضل
وشي م العظل يوجب علينا نكافحه

سالم موسى

بايت سهير وحامل فراسي وشل
ما لذ لي قوت وشرب م البارحه

جسمه ونصيب هذا لي ما راد وحصل
وذا طايرن فوق الجبل بنطيحه

سالم مسلم:

لا تكض عمرك امشي بهداوه ومهل
وحد م الربع قال لي خلف فالنايحه

ويلي عضيل علاجه بنسلين وخل
البنسلين يهدي صاحبه ويريحه

سالم موسى:

ذي ديره المعزة ووتود الأصل
تاريخ شاهد والمعالم واضحه

يصاحب الشهامه جايس بالعقل
ولا تظنها دار القبايل بارحه

سالم مسلم:

قلعة ولاد حمودة للعزة مثل
كلها دواوين الكتب بتوضحه

أشهد شهادة الليله اقسمت بعدل
لكن ياسالم متعبه لمصارحه

بعدها تغير شاعر آخر وجاوبه نفس الشاعر

مبارك بن سالم القاسمي :

بخلف هالمثل بالروفه
وبثني تحيةن مرضوفة
تو زاد القلب ناموسه
شله هيزار الطرب

صف ن راسيات صفوفه
كرامه تنبع من كفوفه
طيبه فالقلب مغروسه
وهذه عادات العرب

سالم مسلم

مثلكم حيا بشوفه
وعنا ممنعته ظروفه
تيجان المعزة فروسه
م السبايك والذهب

مبارك سابقن معروفه
أمثال البحر لي يطوفه
عندي فايام النحوسه
وعنه منبدل محب

مبارك القاسمي

فارس شايعات وصوفه
يعجبني منطل حروفه
أشهد ساطعات شموسه
ما تغطيها السحب

وحوفه الآدمي وحوفه
منه هالزمن وصوفه
يلي تجاهلها دروسه
بيصيبه نكد وتعب

تمت

التعديل الأخير تم بواسطة سالم سعيد المحيجري ; 05-08-2017 الساعة 01:04 PM
رد مع اقتباس