السلام عليكم ورحمة الله وبركاته
طابت أوقاتكم بالخير والمسرة ؛؛ بوح متواضع علّه يشفع لنا الغياااب ؛؛ عساه ينال إستحسان قلوبكم الطيبه ....
قلبي .. وعقلي .. ولاحساس
جرناس فكري أشعل البال هوجاس
ــــــــــــــــــــــــــــــــــــــــ وأصبح يثور وفي المحاني براكين
تتوق روحي تنسج الـــــــود إحساس
ـــــــــــــــــــــــــــــــــــــــــ تــــرق لـــه صم الخوافق وبـا تلين
يــــا وجد حالي ذا العنا أوقد الياس
ــــــــــــــــــــــــــــــــــــــــ يهدم عزومي والإرادة إلى ويـــــن
حاولت أجدد بالخطى واثق الباس
ـــــــــــــــــــــــــــــــــــــــ لكن بكاء القلب أورق محازيــــــن
ناديت صوتي مختنق وسط أنفاس
ــــــــــــــــــــــــــــــــــــــ حـــــرّا تصب من التناهـيــد طنين
جمهرة عذب القافية فوق الاطراس
ــــــــــــــــــــــــــــــــــــــ جايــــز أطفّي دمعة القلب والعين
حسّاس قلبي يا مـــلا والزمن داس
ــــــــــــــــــــــــــــــــــــــ أمطرني بالآلام وأصبحت نصفين
نصف(ن) جرحه الوقت بحدود لامواس
ـــــــــــــــــــــــــــــــــــــــ والنصف لاخر أرهقه فقد غالين
يــــــا جفوة الأيام يـــا قسوة الناس
ـــــــــــــــــــــــــــــــــــــــ صعبه جروح الوقت تبرها لسنين
يعين ربـــــي منهجه حق مقياس
ـــــــــــــــــــــــــــــــــــــ شمل بعدلــــه كون منشي الميازين
حلّق يا صوت الشعر مع نهج فرناس
ـــــــــــــــــــــــــــــــــــــ إروي ظمى الوجدان وأنعش بساتين
بـــالهاجس اللي أرقـــــه فكر حسّاس
ـــــــــــــــــــــــــــــــــــــــ قرر يترجمها في صفحة وسطريــن
عـنــوانها قـلبي وعقـلي ولاحـســاس
ـــــــــــــــــــــــــــــــــــــــ يتبع نداء الود مدري إلى وين؟!