فالك الطيب غناتي
يا أنته ياقمر ليلي .. يافدوة عيني والأهداب
لجيتك من بعد غربه .. لجيتك حضني المفقود
وقصه من بعد أسباب
وعيّت فيني الأيام تراضي كثر شهقاتي
تردّ بداخلي لحظة أترجم صدق إحساسي
وأنك سيدي إنك:
عزيز
وغالي .. ياعمري
وإنك ..قمة في الإعجاب
كفايه ياسنين الهم
هدمتي أحلى أيامي
رهقتي عيني بسيلٍ هميل لدمعك السكّاب
وجفاء بداخلي يصرخ .. زهوره ذابلة جفت
بساتين العمر شابت
أودع وأغمس الآهات
في غبة بحر للنسيان
وأصفق للملأ ..إنك
جميل وأجمل أعيادي
وعيد الأمس .. ولاّ وغاب
أريد أهمس لك وأطفي .. حرقة أشواقي
وألّف من الهمس قصه .. يحتويها كتاب
" تعالي يا أناشيدي .. تعالي وأصدحي له عتاب "
////////////////////////////////////////////////
مسكت الحلم بأيديني .. أفسر واقع ٍ ملموس
نحتّ الفرح في بابي .. ورسمته من شرايني
يا بهجة خاطري الميؤوس
تعالي وعانقي سعدي
أبعثر من شبابيك .. خيوط من الهناء العذري
وأطعم منك .. بشفاتي
عسل عمري
كذا انا وانت معاي
مجرات من الفرح عندي وتتراقص
ضحك مسموع .. وخوف ٍ يمتزج بالحب
يهدد كتمة الأحزان .. يحاول يقترب مني
أبشنق كل هـالألام .. وأعيش بمولد الفرحه
لقيتك داخلي جنه .. وجودك جنة الفردوس
لقاءك .. شوفتك ..خوفك
يناديني بهمس الشوق
تعالي ونامي بأحضاني.. وأنسي عالم الكابوس
اذوب بكل هالإحساس
وألحّن لك .. أغاني ف عالم الناقوس ..!
فرح منثور في دربي
يعانق أسعد أيامي
يلامس داخلي موج ٍ.. تدفق مدّه العالي ..
يلّـوح في سماء وجدي .. بأني رايج وطربان
ياكيف الأمس ما شفته .. وعدّت كيف هالأيام
اناظر حيل بالساعات .. على ضفة نهر جارف
بلا رحمة يمر جنبّي ... بوجه الثائر الغضبان
أدور عنك .. عن طيفك .. أدور بالوجوه إنسان
يشفي لي ضمى شوقي ... بشوفاته
بـبسماته
بهمساته
و يحسسني ويملأ لي مسافاتٍ كلها أطمئنان
اشوف اليوم يا الغالي ..
تناديني بالخفى " أنتي "..؟!
وأنادي : فالك الطيب .. غناتي يا أعز إنسان
وفال الخير في وجهك ... عساني أعيش في قربك
وتبقى لدنيتي رمزٍ ... تنور مهجة فؤادي..
وأخلي دنيتك ...ألوان
نعم طربان .. نعم أهديك أفراحي
" نعم أنته ولا غيره قصدته بأول العنوان "