وجد العيون اللي سهارا
تخلي المشتاق مجبور
سهران ليلـــــه والنهارا
متولعن والحال مخطور
مصطاب من سيد العذارا
عذب اللماء والخد بلور
غض الصبا ترف المزارا
حلو العضا والعود ممزور
رحماك يا نســـــل الاخيارا
ممنون ومقدر ومشكور
ملـيـت كثـــــــر الانتظارا
طافت أسنين ومرت اشهور
كني علــــــــى لاهوب نارا
من واهجن بركانه ايثور
درب العشق صعب المسارا
ينحت جبال ويكسر اصخور
لازم هــــــزيمة وانتصارا
حظن ردي وحظ موفور
يازين انتـــــه الاختيارا
واسمك على لفواد محفور
وانته طموحي والقرارا
وانته الذي وليتك الشور
في خافقي تملك امارا
ولا عن الباقين محظور
ودك ســــريع الانتشارا
داخل اعروق الدم منشور
زاخــــــر ويانع بالثمارا
في مهجتي ومفتح ازهور
اناشـــــدك فك الحصارا
تشكر على فعلك وماجور
ما طيـــــق درب الاحتقارا
ولا اطاوع الانسان بالزور
ماهو بشين مستعارا
طبعي وانا به دايم افخور
وانته امـــــامك الاختيارا
وان رحت نملك قلبن اصبور
في البيض من مثلك كثارا
والحر أظني هوب مجبور
سعد بن عبدون الجنيبي
__________________