كانت هذه المحاورة الودية بين المرحوم الشاعر سالم بن عامر الرواس و الشاعر محمد احمد المعشني المشهور بـــ بن دعاس و هم من كبار شعراء الجيل الأول في المحافظة
حبيت أنقلها لكم لإثراء القسم بالفنون الشعرية في ظفار :
الرواس
شلوا سلامي لبن دعاس
هو صاحب الفكر والاحساس
والرق لي مختفي في داس
في الظن شي داخله مدسوس
وان شي عليك اغتبى مابان
ياصاحبي راجع القاموس
...................
بن دعاس
ردوا سلامي لبن رواس
خبير في الاعمده والساس
بغا ينكش حوال الناس
شاف الزمن خيطه معكوس
ماشي كلف عندنا موجود
هبي وزيدي السلا ياكوس
...................
الرواس
طلسم يفرقع بقاع الكاس
والجلد متروك للدحاس
من يتبع بيت بن فرناس
نصبو خيامه حوالي نوس
من عاش في فكره المحدود
اليوم يختم على الناموس
...................
بن دعاس
ماكل طلسم على القرطاس
اثر على الجمجمه في الراس
ماحد يخاطر بلا مقياس
بعد التجارب نهينا السوس
المحمل اللي خطف ساجر
يحتاج له معرفه ودروس
...................
الرواس
عقلي رفض يقتنع ياناس
لأن الفنيطيس هو الفنطاس
واللي تعود يخيط الأس
يدور وقته عليه ويحوس
من واجبي انبه الشاعر
لافاد حارس ولا محروس
...................
بن دعاس
قد لي زمن حابس الانفاس
خوفا من الهرج والجلاس
واحيان يتغلب الاحساس
يطغي على الواقع الملموس
من كان في الشد حبله رام
يمسي على هامته منكوس
.............
و أتمنى أن تعجبكم المحاورة
.......