سداب قصة الف ليله وليله
ضميتها في داخل عيوني كتاب
لهيبها جنة ونسمة عليله
وجبالها نرجس وكادي وعناب
هذي عروس البحر هذي الاصيلة
تهيم فيها قلوب وارواح والباب
صباحها همس الحمام وهديله
وليلها نغمة من اوتار زرياب
هذي سداب السهله المستحيله
احضانها اعذب من عناق الاحباب
يا سداب بي جرح يتزايد صهيله
ضميني بحضنك عن عيون الاصحاب
يا الملهمه يالحالمه يا الضليله
ارضك تبر او مسك في صورة تراب
الناس تعشق كل حسنا جميله
ومالومني لو صرت انا عاشق سداب