آلو عفوا
٦/٢/٢٠١٢
الشاعر : راشد الهنداسي
ألو عفوا، حبيبي أعتذر منّك
سهيت، الوقت متأخر ولكنّي
دريت إني أنا المخطئ على ظنّك
ولكن ماني الغلطان في ظنّي
إذا شايف أنا قايل خطأ عنّك
حبيبي اضغط الخضرا ورننّي
تجي تهرب وهذا قلب جاينّك
ويصغي لك وذا ذنبي يجننّي
مدام أرواحنا ليلا يناجنّك
أكيد أروحنا ليلا يناجنّي
تبي تعرف إذا شوقي بقى حنّك
أريدك تمزج البحري مع البنّي
بحر كلي، وألواني يغننّك
ويبقى الحبر من حبك يلونّي
ترا الأيام في بعدك يسمنّك
وإذا ماهي يسمنّك يسمنّي
تعذر رقمك الثاني وفاتنّك
معاني العشق والأحساس لي منّي
رصيد الشوق يتعبأ ولكنّك
تخسرني إذا صوتك ذهب عنّي