(ضاق الصدر)
لا تفرحي وإبكي خـــلاص
موعد فرحنـــــا إنتهــــــى
ليه الحكـــــي وكثر الحكي
والحــــــــظ عنا إلتهــــــى
لا تفرحــــــي
لا تفرحــــــي
لا تفرحي وإبكي خلاص
لا تفرحي وهِلي الدمـــوع
مات الأمل ووًلى الرجـوع
كثر الحكي ما يجيب شــئ
حظِك معي أطفى الشموع
لا تفرحــــــي
لا تفرحــــــي
لا تفرحي وإبكي خلاص
الله على عمري اللي كان
فيه العِشق فيه الأمـــــان
وحبل المــودة إنقطــــــع
وصرت الغريب بلا مكان
لا تفرحــــــي
لا تفرحــــــي
لا تفرحي وإبكي خلاص
ضاق الصدر منِك حـرام
والجرح يشقيهِ الزحــام
واللي يعايش هالجروح
يبقــى حزين وما يـــلام
لا تفرحــــــي
لا تفرحــــــي
لا تفرحي وإبكي خلاص
هذي النهاية وصدِقــــي
وإدعي عسانا نِلتقــــــي
دام العمـــر باقـــــي لنــا
يا نِهتنـــي يا نِشتقـــــي
لا تفرحــــــي
لا تفرحــــــي
لا تفرحي وإبكي خلاص
سيف بن محمد العبري