كم عمرك الليله؟!
وجيت احتاجلك امي وانا المنفى
تركت اشيائى وكلي وجيتك جاي
اشد برجفت هدومك اريد ادفى
قبل ماترمش اهدابك وانا الخطاي
اجيب عيوني ليدك وانا الاوفى
من احبابك من اقرابك وهذي دماي
بتسكب تحت رجلينك عسى يكفى
من عروقي الى عذوقي انا محناي
***
لا تقلبي الاوراق
سكنو مساكنهم
الليل للعشاق
واحنا نضايقهم
شوفي هنا وجهك
يشتاقك ويسال
كم عمرك البارح؟!
كم عمرك اليله؟!
ترى هذا القدر كاذب
ترى هذا العمر كاذب
ترى هذا العذر كاذب
وانا بخلف الباب
اكذب لساني
اكذب لمشهد
واحنا بعز الظهر
بنلملم الاوراق
لحظه الم تنساق
من غرفه لغرفه
غلقت هالاحزان
توك هنا يا لباب
ضاقت مداخيلك
ما خانك احساسك؟
يافقرها ناسك!
في صدري المركون
او وهمي المسكون
مال الشمس خرسى؟!
تسحى جدايلها
بتغاير الراحل
وجه الفرح ناحل
باقي عظم ويهاب
حتى الفنر طفى
ارتق بها ذنوبي
ارتق بها عيوبي
يافجري المسكين
ماملت اوجاعك؟!
يجلدك طيف الحلم
معذور لو جاعك
***
ترى ملتني ارصفت الطريق وبت
اشوف بوجهك احلام الطفوله صياح
ترى ماعاد يألمني حنين البنت
ترى ماينقص العالم بكى المرتاح
اشوف الاحسن الافضل لواني مت
قبل لاتوسد ايمني بغيت ارتاح
هرب صبر الزمن مني وبعده شبت
وكتفي قبل لايحنى شبابي راح
طلال الغساني
|