غصّة
\\
\\
صباح \ مساء الشعــر
تسجيل حضور
~,. غــــــصّـــة .,~
العشق \ حسّ اْبتساماتك \ حنانك
وين كلْ هذا ؟ أنا فاقد حنانك !
وين وجهك ؟ \ صورتك \ جملة عتابك :
" يا حمودْ اْصحى و ذاكر لْاْمْــتحـانك "
وين صوتك ؟ كلّـما أذّن مؤذّن ،
ينتهي آذانه وْ يبدأْ أذانك ! :
ان توضّيتْ اْذْكِر اللْه . ثمّ صلّي
و اتّجه له .. هو خلق راسك و صانك
يا عسى يهديك عن " ذنب القصايد "
ما أبىْ الشْعرْ يْــتَـقرّبْ من لَـسانك !
ما أباكْ تْكون شاعر : كلّ همّــك
كيف تكتب ما يخلّد لك زمانك !
كيف تخفي كل عُيوبك . عن عيوبك !
الشّـعر ما يقدر يْعظّــم فـ شاْنـــك !
ما أباكْ ْتكون شاعر : ما تحارب
غير لو تتمسّك بْمربط حصانك ...
لو هَزمتْ الخصْمَ تتْباهى بِـنصرك !
وان خَسرتْ ْتفرّ مذعورْ لـْ مكااانك !!
ما أباكْ تْخاف من " سهم الخسارة "
صدَّه ْبْصدرك !! \ و تفزع لك خوانك !
ما أباكْ تْكون شاعر : في فعالك
ما تراهن ! لو تشككتْ ْفـْ رِهااانك !
كلّما تكتب ( شطر ) \ تشطب ( قصيدة ) !
يا قصيدة : ما كِتبْــكْ الّا .. جَبانك !!
ما أباكْ ْتكون شاعر : و تـّــأمّـــل ..
لين ما تفقد شعورك و اتّزانك !
وتّـــّـفلْســفْ أوْ تـَـشكّك في آلـــهك !!
انْ أَمنْتْ فـْ غير ربّـك \ من أَمانك ؟
ما أباكْ ْتكون شاعر ! ..\ وانتَ شااعر !!
يا عسى يبقى لسانك هو حصانك .
\\
,وْ ينتهي أذانك وْ أدعي : الهــــي..
اعطني جنّـــة ... \ ... و أعطاني جناااانك !!
ما ترك ( آدم ) نعيمه من يدينه
( أحمَر التّفاح ) يـ الأنسان خااانك !!
كان آخر ما لمحته منْكـَ .... ظهْرك !
وانتَ ترْحلْ منْ قَـبل يآتي أَوانك
وانتَ لو ذبْـلتْ زُهورك في يَديني
ما تَركتْ اْيْدكْ وَ لا عفتْ اْحْتضانك
وانتَ لو تخْفت حُروفك عن سَماعي !
يبقَىْ لي شكْرك وَ عطْفكْ واْمْتنانك
وانت لو تنَحرَ " وَقاري "\ ما تذلّل
لو طُقوس الحبْ كِذا \ اشْعلْ لُبانك !!
لكَن الأيامَ ما تبْقى عَلى ما
هوْ يِسرّك أوْ يَنسّيكـْ بـْ " كِــفانك "
وانتَ كلْما كنت تذنب \ كنت أغفر !
فيه مرّة عاتبك " صمتي " وَ هانك ؟
فيه مرّة طاحَتْ دْموعك عَـشاااني ؟
يوم تحزن \ من وقف جنبك و عانك ؟
من رفع راسكْ وَ جاورْت الكَـواكب ؟!
من سَبح في بحْرَكْ وْ أطلق عَنـــانك ؟
من عطاك ( العينَ ) لو حسّك بـ تبكي !
وْمن عطاك ( الوجْهَ ) يوم العيبَ شانك !
ويشَ أْكمّــل ؟ ... ما قدرتْ اصْلا أكمل
الهوان اللي عليــّــه \ هوْ هـَـوانك !
والتعب هذا : عَـتب يتْبع سَماعك !
وانْ نَـطقتْ آخافَ يسْبقْــني " لَعانك "
السّكوت ان كانَ له قيمة ثمينة :
ما بقى ( محتاج ) أمّنته \ و خانك !
نعْسَتْ ذْنوبـــك \ و نامت في لساني
انتبه !! \ لا يوم تزْعجْهْا بـْ لساااانك !
باقِيْ " شيْ واحد " عشانك ما فعلته !
هو : " بَأنّي ما َأسوّي شيْ عَــشانك " !!!!
حمود المخيني
__________________
.
.
أبحث لـ أبياتي : وطـــــن من قلوب
شيْ ( قلب ) يمنحها بلاد وْ هويّة ؟
ـــــ
حمود
.
.
التعديل الأخير تم بواسطة حمود المخيني ; 21-06-2011 الساعة 08:48 AM
|