[علي الفارسي]

المشاركة الأصلية كتبت بواسطة كمالية بنت السلطنة

يا ( غيــابـه )
حيل مشتاقـه لــ جنابـه ..
حيل ولهـانه لــ ( عتابـه )
يا غيـابه
خبّره أنـي أعاني من عذابـه
خبّره إني تعبت ..
وضاق هالكـون بــ رحابه
في عيوني
وأتعبوني
هالعوذال ..صاروا عنّـه ينشدوني
وصرت بـ حكاهم ..(دعابـه )
....
يا غيـابه ..
ليه يرحل ..والجفا يكبر (سرابـه)
ليه يقسى ..والامل يعلن ذهابـه
وأبقى أنا وحدي ..بدوني ..
لا عيوني هي عيوني ..
ولا فوادي ..يرتجـى به
في غيـابه ..
أقعد أنطر ..عند بابـه
آنا والليل ودموعي
والبرد فتتّ ضلوعي
رغم حر الصيف ..وسْخونة (ترابـه)
وأقعد أنطر
يا عسى يقرّب (إيابه)
وآتذكر ذكرياتي عند بابه..
في غيــابه ..
يوم نرحل للسمـا ..وسط السحابه .
ونقعد نّناظر بهاها بالأنابـه
مرة أنا ومرة جنابـه ..
ونتخالف فـ النجوم
كل ما عديت أكثر
صار هو مني ايتذمّر
ويْترجّا ..(بس يكفي ..
اسكتي ..أرجوكـ .تكفي ..
وقتك أصبح للنجوم
وآنا مالي خلق أحسب هالنجوم
وأسكت شوي وأطالع في عيونه
وأكتشف أنه حلم ..
والحلم يجرح عيون اللي
في مُناهم يحترونـه
وآه من ذكرى شجونه
يا غيابـه ..
أصبحت كل الاماكن (دون حسه) في كآبه
وأصبح السعد بحضوره يقتدى به
واقعد أنطر عند بابه
كنّي إلا (زهرة ن في وسط غابه)
اذبلت في محياها الغصون
وأصبحت من دون لون..
والشذا ما يحتذى به
آه يا قلبي الوفي
لي متى ترجي حضوره وأقترابه
خلّنا نرحل ..مدام الشوق ما أخلص و جابه
خلّنا نرحل مدامه غارق في سهوة (غيابه)
خلّنا نرحل وكل ن باكر يْلاقي حسابه
....


كمــاليــة ...

سيدتي الكماليه
مررت على احساسك المرهف وكلماتك الرائعه
فعلا قصيد رائعه اراقت لي
بمكنونها العذب
تقبلي مروري
لك كل الود