[خليل السريري]

التلميذ مع المعلم ودخمسات

خليل السريري
سافر بنا عن تمهل‎ ‎يو بحر
خشابنا والمه من سبع سنين
اليوم يرفيقي نبغي منك السفر
النوخذه انته وامام المسلمين

ود خمسات
إمرخصلك كل دربن تشوفه إعبر
ودنا إنتلازم في درب المسافرين
من عادتي م أترك ربيعي وأنقصر
لو البحر غاضب ويرضف موجتين

خليل السريري
ببدي بسلام الله ومن بعد بختصر
عليكم يصحاب الطرب الحاضرين
مشي عندكم علم جديد ولاخبر
حن ترجك من زمان ومن سنين

ود خمسات
أشكر إلهي الباري ماحزت الكدر
كلنا ف راحه بالمقايظ منعمين
أنشد وأناشد عنك من مده ودهر
شروى الذي فاقد خليله والضنين

خليل السريري
الحمدالله كلنا فراحه يطويل العمر
محد منا يشكي باس ن ولا شين
نبغي اليوم نتفاكر يصاحب القدر
عن طيف ن لاح ما بين الناظرين

ود خمسات
أنت توكل وآنا عندك ع الأثر
أنت المعمد وإفتح مندوس الخزين
لا تزيدني فوق الشقا محنه وسهر
وأنت ياصاحب تعرف حال العاشقين

خليل السريري
اليوم جاعد ع ذكره ولافاني خبر
عن عوق ن كان ف قلبي والعين
طاحن مكاديف الهواري ف البحر
وشلهن يريوا من بين الاثنين

ود خمسات
ذكرى الموده كسرن م يجيبه الجبر
وراعي الموده دايم في زمنه محين
وأنت زمانك كلفك تبكي عبر
من بو عويدن ترف ميالآ لدين

خليل السريري
هذه علومي يسيدي ينسل الصقر
ودنا كلها سوالف لحد يوم الدين
انت المعلم ونطلب الكهانه وفسر
فطيفن يمشي بين هدب والعين

ود خمسات
هذا خيال الخل لي إيخيل البصر
حتى ف حلمك مايطيق ويستعين
وسلمى الدنا أم المصايب والمكر
يفرح بها لي إيضنها سمن وسمين

خليل السريري
عن طير ن ما يطير طول الدهر
بو بريشن نعام وحلو القامتين
وش اليواب يصاحب فكر والنظر
هذا من صنعة ربك رب العالمين

ود خمسات
طير النعام اللي طريته بالذكر
تبارك الله هو خيار الخالقين
وكذا الرضوفل عايشه ف دنيا البشر
لي ماتحلق وتصفق على اجناحين

خليل السريري
وعن طير لوتشوف العين تندهر
حسين الون ويسوى الملايين
يفرش ثوبه يشل عيون البشر
عظيم ربك هو احسن الخالقين

أشكر أستادي سليمان ع المجاره و اتقبل النقد بصدر رحب. وش الجواب فبيت الاخير؟؟؟؟؟؟؟؟؟؟؟؟؟؟