[سيد القوم]

هاذي أول مشاركة وأتمنى أنها تنال استحسانكم
واسمحولي على التقصير

عن راس حلف ٍ عاصف الأشواق نايم

يكسر جموحه وينحدر فيها نعيمه

يـ ( دار ) مالك غير حلوات الغمايم

تسقي ربوعك غيمة ٍ من بعد غيمه

ويا شوق بعدك محملي بالشوق عايم

عايم وقلبي تايه ب( حسرات) ضيمه

يا كم فــحبك كم... تكبدت الهزايم

حتى هويت امن الهوى طعم الهزيمة

قلبي بحزن الوجد يا (........ ) هايم

هايم وحزن الوجد ينبع من صميمه

لك منزل ٍ في روضة الاحساس قايم

لو ما بقى له في غيابك عنه قيمه

يبقى مكانك دام بعض الروح دايم

ودام الهوى والشوق يحكي عن غريمه

للشوق حرقه بس ........ في حره نسايم

لو كنتي حَره تبقي أنتي به نسيمه

والصبر بعدك لو تبعثر به العزايم

يجمع صفوفه قبل تخذله العزيمه

والعمر فاني بس نبض الحب دايم

يا كيف يوقف ياهوى وحبك نديمه