تحايا من الآلاف تعانق سمو الذائقة ، وتحايا من الأعماق تسكن في لب كل مرور
ونص يتواضع شعرا ، وضعته بين ذائقه اعتادت على تدفق الشعر /
( صــــدر الخلــــــود )
لو تشح المشاعر يا شعوري تعود
ذاك قلبي تعــوّد ما يملــه غديـر
كم تغيب المسافة يوم كسر الحدود
وكم تزيد العلاقة يوم شوقي غزير
أنت شيئك تشكل من جميل الوجود
طيف سلهم بعيني لو غدالي أثير
يا عطوف المحبة لين صدر الخلود
ضعت أدور خيالك وانت فيني أسير
ماتذوب الأماني أو تخون الوعــود
ليل ثوبه يصونه لين صبحه يصير
ماكشف سرّ قلبه وانتهابــه يــذود
في حياته رسالة (في وصالي ضمير)
وفي حياته سوالف عن عيون الحسود
عين تربص بعينه من اشارات ضير
يالطيف ابتسامة ماعرفت الورود ؟
كيف غنت بعطرك وانتشاها عبير
شف طريقي وأقلك ما سلبني عنود
بس عنودك تمخطر في طريقي ينير
ذاك ربي خلقها لجل أبقى أجــود
لجل يوم ٍ رسمته للأماني نظير
لجل يبقى شعوري يرسل اغلا العهود
يا عظيمة مشاعر يا شعوري الكبير
قلت أسافر وأجيلك رغم حزّ القيود
يدفع الشوق سيري ما غلبني مسير
في يديني خفوق وفي يديني جمود
وفي لقانا حديث ٍ يلفظ انفاس طير
انت حلم وسجنّي دون شرط وبنود
كنت تايه فغربه ما قدرت استجير
من نهايات وعدي لين بذل الجهود
مستمر فوصالي لين يومي الاخير
رضوان الهاشمي
محبتي لكم