صباح الخير
صباح الخيـــــر
صباح الخير .. عفوا صاحبي ، أدري مساء الخير
ولكني تفـاجـأت بضـيائك صـار لـيلي صـبــح
يقولـون المـدينة في وجـودك تعتــبر شـي غـيــر
وأنا أقــول المدينة في غيابك تعترف بالذبــــح
يأنـّبـني ضميــري لا عـرفت أنـك عليّ تغيـــــر
من المفروض ما فارق دقيقة وانحني للجــــرح
وش أقرب من عيونك لابغيت أكتب شعر واطير !!
وش أبعد من خيالك لا عدمت الصافية والملح !!
لـك أعــذاري إلى منـي خطـيت وخانني التعبـيـر
لك أحبابك إلى منّك طلبت من الخطايا الصـفـح
أبشــكر في تواريـخ الحنيـن اللي غدا بك غيـــر
وأبلعن في نهـايات العنـــاد الـلي يهـد الصلــح
كبر حظي من أول ما عرفت أنـك غـطا للبـيــر
كبر حظ التواضع / من عرفتك في المواجه سمـح
بحجم الشمــس .. شكرا للشروق ولاحصل تغيير
من أول مالقيتك وأنت عنوان الليالي الوضــح
مساء الخيــر.. عفـواً سيّدي / آسف على التقصير
تذكّــرتك وأنت بـداخــلي من الليل لين الصبــح
أبوعوف
|