فمان الله
.
فمان الله يا كل الورود و روعة البستان = فمان الله يا غصن المحبة و العنا فيني
فمان الله تمطرني كفوفك يا غلا هتان = فمان الله و الدمعة تودعكم على عيني
دخيلك و الوله يرسم على ليل الأسى حرمان = تصور لحظة الفرقا حكاية بينك و بيني
مثل ليل الهموم اللي يواسي جملة الأحزان = يعاتبني صدى صوته و لجت به شراييني
عشقتك طيف ياخذني على دربك مزيج ألوان = على ضفة بحور الشوق بدا نورك يقديني
ذبحني عقرب الساعة ألا ياليت له جنحان = و يطوي وقتي اللي ما توانا يوم يطويني
أعيش بداخلي غربة غدى وجهي لها عنوان = أنام أحلم تصافحني كفوفك ياعناويني
فمان الله يا كل الورود و روعة البستان = فمان الله ياغصن المحبة و العنا فيني
.
سلطان بن عامر الرويل
أأمل من المشرفين التكرم بتنسيق القصيدة