اممممممم آخر ما كتبت
يعني بتدري القلب ما ناقص أحزان
وش ذنبي أنتظرك غصب ف آخر السكّة ؟
يا كم سألت الناس ما شفتوا فلان ..
يمشي ؟ / ترى المشتاق ميت ف شكّه
حتى صدفتك وانته ف وسط دكان
تبيع لأفواه الصغيرين علْكة
من كثر ما تركض لشوفتْك الأعيان
لبس الحياء قررت إني اترْكه
شليت خمسة ريال ثمْ جيت ولهان
عشان بس أسْألك : ما معْك فكّة ؟
وتنزّل عيونك كذا وانت خجلان
أناولك / واْهجس من ايدك بربْكة
تعبت يا محنّي يدينك وتزدان
لا والله إلا منْك أشعر بزكّة
حتى إذا تْنفس شعر قلب ولسان
أبعترف .. فيك أنت م أقدر أحبْكه
صدقني حبي عذري وهاك برهان
أنا قبل شهرين رايح لمكّة
إنسان عادي / يكره ينام شبعان
حتى المعاش البر ما فيه برْكة
تتعشى من كف أمك وصاحبك كان
يتعشى ست شهور " صاروخ تكّة "
من قبل أفرح بك أبي قدر الإمكان
لو جيت صوبي باب حزني تصكّه
وييييه الليالي خلّت القلب بردان
خوفي مع الأيام تلحقه وعّكه
عايش مثل صيّاد والبحر مليان
أسماك حوله بس ما معْه شبْكة
حتى إذا ملّ وغدى حيل تعبان
دعى متى يارب بصطاد سمْكة ؟!
يا شينها لا صرت معجب بإنسان
ما رمت تسرق من معه غير ضحْكة !
