[غربة أسير]

هذا النص إهداء لها هي فقط ،،
تلك التي اعتادت على العطاء ولم تجد منه سوى النكران ،،
ليتها تجمع ما تبقى منها و،،،، ترحــــــــــــــــل
وأعتذر منها ومنكم إن كان لا يحمل الكثير من الشعر ..

سكّتي كل الحروف ..
واحرقي كل الدفاتر ..
والمقابر ..
افرشيها بالوفاء ..
والعزاء ..
احذري تتقبليه
لو تبيه ..
اجرحي الشريان ..
والعرفان ..
والصدر احرقيه ..
وانزفيه
ملّت اللهفة المشاعر
خانت الدمعة المحاجر
اتركيه ..
من نزع روحه بايديه ..
من تربيتي عليه ..
انسفي كل الأماني ..
وانسفيه
حصحص الحق وتبيَن
كل غاير ..
بالضماير
ما بقى للحلم روح ..
مات صمت ..
وخان بوح
ما يظلّك ..
حتى ظلّك ..
يستعر فيّ الحنين
ينكسر حلم السنين
ويتوارى ..
وإنتي وحدك ..
تحرقين البرد وحدك ..
تشعلين الخوف وحدك ..
ترجفين
ليت لأجلك ترحلين ..
تلبسين من الغياب ..
أثواب ..
تستر ما مضى
أحداق ..
تكتم ما ترى
تتنكّرين ..
للخوف ..
للحرمان ..
للحزن القديم
بس ليتك ترجعين ..
مثل ما كنتي تبين ..
مثل طيرٍ ..
يسكن العليا ويطير