عيون ...الريـ ـ ـ ـم
.
.
.
.
.
صبحك قـصـيـده مـن حـلاها تشهّد
نبض الـخـفوق اللي يظمّك حنانه
؟؟؟؟؟؟
مستبشرٍ بالخير فــي نظرة الغد
يلمس طهور الحب فــي كـلّ خانه
؟؟؟؟؟؟
فيها المشاعر كالسعاير تـوقّـد
نارٍ تـزيـد الشوق والشوق صانه
؟؟؟؟؟؟
ارسم مـلامـح صـورتك عينْ مع خد
وارحل مـع الأبعاد والقى هنانه
؟؟؟؟؟؟
عاشق عيون الـريم والريم تشهد
فـي ظـامـري حـبـه رفيعٍ مكانه
؟؟؟؟؟؟
فـكـري يهوجس به وعقلي يردّد
حـارم أصـد الريم لو هو رمانه
؟؟؟؟؟؟
إحساس صـادق لـه جـذبـني تقيّد
حـبـه سباني والـغرام احتوانه
؟؟؟؟؟؟
وصله كما الامـزان في حال منهد
بُعده جروح الـجـوف تسهر عشانه
؟؟؟؟؟؟
إليا اظحكت هـمّـي تـلاشى وتبدّد
وليا ازعلت وقتي يشين بـزمانه
؟؟؟؟؟؟
بانفاسها مـسـكٍ له القاف أنشد
حـتـى بـقـحّـتّـهـا أحسّ بليانه
؟؟؟؟؟؟
قلبي لـهـا منزال والعينْ مقعد
وليا غفت بـالـعين رمشي تدانه
؟؟؟؟؟؟
مـن خافقي للعين بـالـدمّ تصعد
وليا مشت مــن كيف كلها ميانه
؟؟؟؟؟؟
الريم واللي عاشق الـريم يسعد
وانا السّعيد اللي غمرني حنانه
؟؟؟؟؟؟
صبحك قصيده والقصايد كـمـا عد
مـن منبْعه ياما شربنا و رْوانه
؟؟؟؟؟
.
.
.
.
.
.
.
بقلمي
احمد عبد الله الخالدي