[خليفه الحامدي]

أداري الشــــوق



"تنام أهل القلوب المستريحه
وأنا راحات قلبي في عذابي"
أداري الشوق وعيوني تبيحه
سطابي لين نوخها ركابي
يضيق الكون بارحابه الفسيحه
بصدري ثم يتزايد مصابي
من اللي تارك ٍروحي جريحه
عليله تنتظر رد الجوابي
ألا يا صاح لك خافي القريحه
أخصك بين تعداد الصحابي
فلا تبخل بميسور النصيحه
لشخص ٍقد تعلق بالسرابي
ومن يومه ودنياته شحيحه
تضيق بفسحها فيوي ورحابي
ونفسي صارت بحبه لحيحه
يلين الشيب م أبقالي شبابي
هديته الورد يتعالى نفيحه
وحب القلب لى يوم الحسابي
أدوّر بالهوى درب ٍيريحه
وهو بمّا فعل ليته درى بي
هجرني وقال يموادع مزيحه
وبهجره هال ع جسمي الترابي
ي خويه شوفني فراشي طريحه
ولو إني أسير ويا الصحابي