راس ساجر = اسم جبل في ولاية رخيوت غرب محافظه ظفار
من راس ساجر سريت على ظهور الركـب
أطوي بعيد المسافه في جـو هـادي وليـل
ورمول هذي الصحاري تعكس وجوه السحب
من كثر ما هي نقيه تلمـح كحـد الصقيـل
وأنا بدوري أجر الصـوت لحـن وطـرب
عنـدي الحليلـه زكيـه معيانهـا سلسبيـل
كني متيـم تفلـت عقـب العنـاء والتعـب
خارج بلاده تغرب وعـاش عمـره دخيـل
تنزف جروحي ولكن عملي علـي احتسـب
قدري وهذا نصيبي . ياظهـر لازم تشيـل
حتى أعـدي السيـوح الواسعـات النكـب
واوصل ديار المروه من بعد جسر الرسيـل
مدخل وبـاب الثقافـه. دار الفكـر والأدب
مسقط . وكل القوافي من أجل مسقط تسيـل
كل من رأها عشقها وحـس حرفـه كتـب
في مدح قائد بناهـا الله ف عمـره يطيـل
قابوس رمز الحضاره لعمان جفـن وهـدب
معروف من عهد غابر كريم باعـه طويـل
الشهم راعي الأصاله ابن الحسب والنسـب
تاريخ . عزه . وهيبه وفي المواقف أصيـل
يقيم عوج العسيـره ويفـك بـاب الكـرب
ومكن وقت النوائـب أذا العواصـف تكيـل