[سالم الوشاحي]

على شاطى البحر وانتي ونسايم نود ذعذاعه

تلاعب هالجديل اللي علــــى كتفك غدا منثور


تغنــــــــي لك ترّحب بك هلا يامرحبا الساعه


ويتراقص فرح من شوفتك موج البحر مبهور


واسراب النوارس لجل شوف العين طماعه


تبي نظرة جمال العيطموس الفاتن المشهور


وذرات الرمل تلثم خدود الرجل ملتاعــــــــه


تعانق مرمر اقدامـــك بحّس المغرم المأسور


واشوف النحل يتبْعك ووورد الخــــــد منّاعه


يبي يجنــــي شهد خدك رياحين وعبير زهور


وطعم البحـــر من شهدك تبدّل حاله / اطباعه


غدا سكر.. قراح ٍ.. سلسبيل بحالتـــه مسرور


تغيّر لونــــــــــه الازرق بشمس ٍ منْك سطّاعه


ولنّه لامس اقدامك يجــــــي سرب النحل طابور


وقاعه من كثر شوقه سكن وارخــى لك شراعه


ينادي نور خدك يجلي الظلمـــــــه بشروق النور


امانه رجّعي لماي البحــــــــــــر يافاتنه اوضاعه


لجل ما يرتفع سعر الأجاج ويخسر الجمهور





أستاذي الفاضل حميد الحجري

السلام عليكم ورحمة الله وبركاته

للبحر قصه لايعلمها إلا من كان يسامره

فالبحر شريك الحزن وشريك الأنس وشريك العاشقين

فمن الشعراء من ينادي البحر ومنهم من يشكي له

ومن يكتب الأشعار على وقع أمواجه فهو صار الملهم

لهؤلاء الشعراء ...

أخي الفاضل ...قد أجدت الوصف في قصيدتك الغناء

فالله درك من شاعر .. تكتب مايكنه الإحساس .....