[أنور السيفي]

صباحكم ملؤه التفاؤل وعظيم الاجر
نص متواضع كل همه رضاكم
احترامي وتقديري


حبيبتي لا صار وقتي اناني
اوفيك ياعمري ولازم اجيلك

واعطيك باقات الغلا والاماني
واقول لك من قلب مغرم دخيلك

لرضاك اسرج بالموده حصاني
واراعي احساسك ،نهارك وليلك

وارسمك صوره تنسجم في بياني
وادعي آلهي بالاماني يطيلك

واقرا على شوفك طوال المثاني
واشوف سال الشهد مع سلسبيلك

واعد في غيبتك مر ّ الثواني
كنها ليالي تنتقم من خليلك

ياكم طيفك في منامي وحاني
واقبّل لكفه وحسبي ،دليلك

ياكم في بعدك فديتك اعاني
وانتي سكنتي فوق عالي نخيلك

قصرك على الحشمه تعدا المباني
لاماغدا بالكون واحد نزيلك

ياغير شفتيني انا لك وزاني
ميت ويفخر انه غادي قتيلك

ميت بحبك يابعد كل غاني
تدرين عيّا الوقت ينجب مثيلك