[عبد الله الشعيبي]

(1)

مخنوق يا سطر المطــــــــــــــر
أكتبك في لحظة ذهـــــــــــــــول
وينام في جفنك قـــــــــــــــــــدر

أهذي على رملة عطـــــــــــــــر
كنّ السما فيني تجـــــــــــــــــول
والصوت ميراثه حَــــــــــــذَر !

ملموم في وجهك حكـــــــــــــي
خذني ابمسافاتك نهــــــــــــــار
واتركني في ليلك بكـــــــــــــي

غفله تعالي وادركــــــــــــــــي
انّي رسمت العمــــــــــــــر دار
وتاهت خطــــــــــاوي مسلكي

أجيك يا ريق الكــــــــــــــــلام
مشتاق أسمع منك شــــــــــيّ
يبدّد احلام الظـــــــــــــــــــلام

ليش انته تبخل بالســـــــــلام
ياما طويت الصمت طــــــــيّ
لاجل اوصلك ميّت مــــــــلام !




(2)

ودّي انتهادى هـ السنيـــن
ونهدهد الليل / الطفــــــــل
يكبر على صوت الحنيـــن

قالو : انكتب حظّك .. يبين
يا وينه اللي منقفــــــــــــل
محبوس عنّي ابألف عيــن

أهمس لميلادك تعـــــــــال
وانتي تمدّدتي هــــــــــوى
يهمس مواويله حـــــــلال

مخطوفك الصامت مثـــال
هذا أنا كلّي نــــــــــــــوى
ياخذك لـ شفاة الـــــــدلال

من لحظة الدهشه انولــد
ميعاد .. والساعه دهـــــر
وعيون ما هي امن البلد !

شافك هواي .. وما انجلد
الا بحلمه اللي سهــــــــر
جنبك .. وظميانك مــــــدد

مسقط 2010 م