[وليد الحضرمي]

تحبيني وهم وآنــــــا بنيت من الوهم ذا حلـــــوم
وصلت القمـــة بصدقي/ هديتك حبي الطـــــــاهر..

تخليتي وانــــا ما ادري من اللي يستحق اللـوم
اعـــاتب حبنـــــــا والا اعـــاتب حظي العـــــــاثر..

رحلتـــي تطردين الهــــم/ لكنك هديتي همـــــوم
وعدتي تنجلي وان جـــا وعدها قلتي لي بــــاكر..

وانا يــــا سيدة..حبك.. ملكني كل حين ويــــــوم
اكـــابر لو اقول الحين احبك صدق انــــا اكـــابر..

هذاك اول انــــا احبك ومن هجرك بنيت عـزوم
محيت اسمك من الماضي ولا عدت اذكرك حاضر...

على صدق الوفا والحب تحسبييني انا المهزوم؟؟
لعلمك في الهوى من ذا يصون الود هو شاطر..

تقولي لي على الذكرى تصبر يا وليد تــــــروم
واقول المعذرة لشخصك ترى طيفك مضى عابر...

انا ما عاد لي من ذاكرة حبك خبر وعـــــلوم
تفرمت قلبي ولا به مكــــــان لحبكم شـــــاغر..

نسيت ولا تحسبيني اعيش فــــــذل حبك دوم
انا ما ابيع من اهواه ومن هو باعني خاسر..

انا ما اقدر الوم الحظ دام ان الغدر مقسوم
ألوم اللي يخون الود واصبح للوفا نـــــاكر..

سلام لله على قلبٍ هداني في المحبه هموم
وسلام الله على حبٍ وفيت وخان في الآخر..