السلام عليكم
عودة بعد غياب طويل
أحيانا اذا خسرنا شي .. وكنا نرغبه بشدة .. نحاول ان نبحث هنا وهناك عن أمل ... حتى ولو كانت ( قشّة الغريق )
ودائما ما نصاب باليأس والخيبة اذا لم يفعل لنا الأمل شي .
ولكن ماذا لو كان الأمل بنفسه يائس !
أجيك و( خطوة أقدامي ) تسابق ( عقرب الساعة )
ولجْـل ألقاك فـ الموعد أسابق ( خطوة أقدامي )
نسيت أنك ( غرست الجرح ) ونّك تسقي أوجاعه
وذكرت انّي على صخرك نثرت ( بذور أحلامي )
تجاهلت ( الألم ) - لما الملا - قالت : له الطّــاعة
وصاحبت ( الأمل ) - ليما ملى - أحبار أقلامي !
ألا وينك ؟.. - سؤالي لك - .. يشابه لي بـ ( فـزّاعـــه )
واجاباتك .. ( طيورٍ ) تبتعد عن " حقلي النامي " !
تحمّلت الجفا لنّي ..تأملت الهجر ( ساعـــة ) !
وأبطت ساعته حتّى .. غدت أطول من أيّامي
تيّتم حلمِيَ و ( كلّي ) / و دربي عنْك . . . ضيّــاعــه
مشيت .. و فوق كتفي شلْتَ ~ جرْح .. وشلْت أيتامي !
وجاملت ( التّعب ) حتّى ( تفرّسته ) بأنواعه
وجمّلت ( العتب ) لجْلك و ( أسرفته ) فـ أنغـامي !
رحلت وما تركت الّا ( غياب ) و ( نفس طمّاعة )
تبي توصل لك ولكن " غيابك " للوصل حامي !
تصّوب سهمك ف صدرٍ غدت م تشيـله أضلاعه
وصوّب ( صدْرِيَ ) لْـسهمك .. واْصير ( المرمِي – الرّامي ) !
هَجرتْ ..! / وْجهرِك بْتركي كشف قلبك وأطباعه !
جَهرت ..! / وهرجك " بنفسه " نزع عنْ وجهِيَ " لثامي "
تصدّق ؟ ... ما أبي أترك لك احساسي فـ ( شمّــاعة )
أخاف يمرّ به عاري .. ويسرق ( معطف اِلهامـــي ) !
وأْخاف أهدي لك " أوراقي " .. و جنبك ( نار ولاّعــة )
وجي في " بردك القارس " ..أبيك اتدّفِيَ عظامي
واقول ( الجمر ) يا خلّي .. وش اللي يقدر اِشباعه ؟
تقول : ( أوراقك الغبرا ) كفيله تجعَله حامي !
تمثّل ! .. مثـْــل من ( باع الضّمير) .. وقال : من باعه ؟
قناعك انزعه لنّــي أريدك صاحبي سامي
أريدك مثـْـل من لو طحت ، ألقى " مدّة ذراعه "
مثل: ( صيت الحضور ) اللي يروّع " جرحِيَ الدّامي "
مثل ( ضوء النهار ) اللي " طرد " ليلي و أتباعه :
من آهاتي / و أحزاني / و دمعاتي / وآلامي !
( أصوم ) العشـْق.. ما دامه ..كذا .. ما تثْبت أوضاعه
واْساير " وضـعِيَ الحالي " .. لجل ما يبْطَل صـْيامي !
أجيك وللأسف مقدر ..على ( وصلك ) و اخضاعه
كفاني أحلمك ( ليلة ) .. وأشوفك ( صبح ) قدّاامي !
تحيّاتي