[سليمان الرواحي]

محاوره بين الشاعر مبارك بن علي المحاربي والشاعر خلفان بن مبارك المسكري في اليحمدي في إبراء:

"المحاربي"
صلو علي من إنتسب عالي النسب
مول الرساله والمسلم يشفعه..
يرتاح قلبي من عجب ذاك التعب
واليوم بنحصل صلاح ومنفعه...

"المسكري"
جتنا الدعيه وجينا مسرعين نخب
نقطع سهول البيداء حثه ومسرعه
اليوم بانفتح ميادين الطرب
مقفول قلبي والقفل بنخدعه

"المحاربي"
ادعي إلالهي ينشئ هطال السحب
يسجي المشري والبلد وشرايعه
ياماقرينا في تواريخ الكتب
والمسكري حصن المنيع ومدفعه...

"المسكري"
راحت ربوعي فلبلد ماتنحسب
مالقيت رجال كهينا ارابعه
يلي تحيده جفي من الديره وذهب
ويشل جلبي علي جداها ساجعه...

"المحاربي"
جينا ونشلنى في يوم ثاني من رجب
مورخنا أصولنا بالمطبعه
داير مشرق وانا داير في الغرب
ليت المسافه ميل واحد مذرعه...

"المسكري"
احكي عن الماضي ودولاب غرب
انا مادعيتك فوج يدي ومجطعه
مارميتك فوج ليات مغب
عندنا غالي ودربك نتبعه...

"المحاربي"
ابكي زماني والمدامع تنسكب
هيهات كل زمنن مجفي نرجعه
هذي بخاصه والله من كثر الغضب
مايجوزلي اجرح لساني واجطعه...

"المسكري"
مافادتني العزيمه ولاكتاب الطب
يلي يحب الغيث ربه يسمعه
نقبض بحبل المولي ونعتصم بالرب
الرب يوحينا برحمه واسعه...

"المسكري
هذا الزمن ياصاحب عادانا وحرب
اشد واشنع من سيوف الجاطعه
كشر نيابه في وسط الظمير نشب
ماكان حد من المحسنين ينازعه...

"المحاربي"
لين وصلت المنبر يالخاطب خطب
إنظرعلي زمنن مجفي ومتابعه
خاتم نبينا غاب في الغبه وذهب
يبكي علي الخاتم سيوح ومجطعه...

"المحاربي"
رخصه وسماحه جلنا يالمطرب ذهب
من شف عبدالله لزوم وادعه
إختمته بنبين في البراق ركب
عرج الي ربه فسماه السابعه...