[سميره الحوسني]

يقولوا راح..منهو راح؟منهو زادبك الجراح؟
يقولوا وين. رايح وين؟تارك عشرة أحبابك؟
يقولوا هم كيف الهم من طول الزمن ما راح؟
يقولوا سهم كيف السهم من بد البشر صابك؟
تلــف وتـدور هالـدنيا وصـمتك بالخفايا بـاح
طريقك سالكة بضحكة نساك اليوم ما جابك!!
قصــر تسكـن وبغيابك تقاسـم دوره الأشـباح
بكيت الدمـع ذاك الدمـع يتحارق على عتابك
حبيبي ليه ترحل ليه صدق منك ذا وإلا مزاح؟
أنا صدقت مزحــاتك ومــاني مصــدق غيابك
كذا فجأة وذي الفجأة كأنه جسر فوقي طـاح
نطرتك (فيصل) تشيله وأثاري طاح بأسـبابك
أحبك؟؟ إيه أنا أحبك أريح قلبـي ومـا ارتاح
نحبك آخـر الكلـمـات تسـمعها مــن أحـبابـك
ومحبس ملكـتي تكـلم وكل عطـرٍهديته صاح
و(فيصل)ذاك بالـصورة بـكى لأنـه تهـيابـك
فقدتك صح .هذا الصح.دمعٍ بالمحاجر ساح
تعرف الحبر؟آنا الحبر ماعمره نسى كتابك
كريمٍ كنت كالنـخلة تلبـس بالعــطايا وشاح
وقلبـك كالثلـج أبـيـض وهيـبة ترسـم ثيابك
ووجهك نوره الإيمان من نورالبدر وضاح
جمايل تسـكن عيـونك وعـزٍ يحضـن ترابك
عطيت بجود بالموجود ما عديت كــمٍ راح
عـطــاك الله بالنيـة وفــتـح بالـرزق بــابـك
كذا الأجيال يوم إنك تدرسها عطرها فــاح
رحلت إنته وذي الأجيال بغـيابك بتـحــيابك
وجيت أختم قبل ذلك تفضل من يدي المفتاح
سميره غلقت الأبواب لا إنفتحت على أبوابك