كم صاحب ن لجل المصالح باع رخص ن صاحبه
ناسي قبل في شدته كم مرة ن جنبه وقف
واللي يسمونه قريب ن ما تهمه مقربه
ينكر وينسى هالقرابه لو تجمعهم صدف
يا بوي وش في حيلتي إلا قصيدي أكتبه
صار الزمن مابه رجا فيه المعاني تختلف
مهما نحاول نفهمه ماظنتي نستوعبه
شفرة كتابه ما يفكها غير عقل ن محترف
يقدر يمشي هالبشر مثل الدمى في ملعبه
دامه عرف يمسك خيوطه عند راس المنتصف
أرجوك لاتزعل يبه من عالم ن ما نعجبه
يكفي بأنك غيرهم/صعبه مثلهم تنجرف
في وادي ن أسمه ردى الناس قامت تشربه
من نوح وأتعاب الخلايق هم يعيشوا في ترف
يا بوي دام إن البشر رقم ف ملفنا نحسبه
اللي يضيق خاطرك أحذفه عندك فالملف
_________________________________
شموخ يا كماليه ...راقيه... أنتِ .....ابيات ...قيمة ....
مهما قلت ما - اوفيك الحق ....فانتِ أكبر ..
قصيدة راقت لي حتى النخاع تحكي واقع تشهد له الاعيان ...
يسلم يمينك عزيزتي وللامام دائماً بإذن الله
اقبليني ... أختاً وداً وورداً ووحبا صادق في الله..