[محمود النبهاني]

ماكل كلمة تنكتب صارت شعر
عمر الشعر ماكان وزن وقافية
وماكل كلمة في القصائد تنذكر
نبض القوافي يبغي ناسـ(ن) واعية

وماكل من يبدأ ببيتـ(ن) يستمر
يمكن يجف الحبر لحظة وثانية
وماكل من يوصف حبيبه بالبدر
يقدر يعبِّر عن علومه السارية

الشعر إحساسـ(ن) يغذيه الفكر
في نظرته كل الأماني السامية
يأسر بحرفه كل من شافه أسر
وتصمد حروفه والمعاني عالية

شي مـ الشعر ماتستيغه لو يسر
وشي مـ الشعر يروي القلوب الضامية
وشي مـ الشعر ما يشترونه بأي سعر
وشي مـ الشعر صارت حروفه غالية

واحد يسطر في كلامه كم سطر
ويقول إبداعـ(ن) وصورة زاهية
لا وزن يضبط كل بيتـ(ن) منكسر
مرة بنونية ومرة برائية

ليمن وصف نفسه بشاعر مشتهر
من مر لازم تلتقيه التاهية
يوصف كلامه مثل جلسات الذكر
مافي كتابه حتى كلمة خاطية

لو حد ينتقده يعاند أو يصر
انه كلامه شهد فيه العافية
وين التواضع بسِّنا وش هالكبر
إحنا بشر نخطأ ونرجع ثانية

حنا بنوصل لو بدينا من الصفر
من بعد نمشي للخطاوي التالية
وبنعترف باخطائنا لو بالكثر
ماهمنا نقد(ن) وكلمة جافية

كتبت القصيدة بتاريخ 20-6-2004
تم التعديل عليها بتاريخ 24-6-2009