[سالم الريسي]

وجهةٍ لوجه

حمود المهزاع وعباس المسكري في تناغم موسيقيٍ رائع.....
أترك لكم الحكم والتعليق...


وزير أَهْل الشِّعْر


يا حيّ بالمهزاع ياحيّ طاريك
حيّك حمود وْ حيّ ربعك وناسك

وزير أَهْلَ الشِّعْر حضرة معاليك
وْ لا للشعر حسّ ٍ بليّا حساسك

معنى الرجوله نابع ٍ من معانيك
وكنّ الشهامه غترة ٍ فوق راسك

غالي غلا يَا حْمود والكلّ غاليك
ذاوي بريق الشمس من برق ماسك

شهم ٍ مكانك فوق من هو يوازيك
نشمي .. وانا أَشْهد على قـوّ ساسك

يللي التواضع نهر جاري براضيك
والِّشعْر لك كَالْأرْض والفاس فاسك

جعل الهنا يا خوي دايم حواليك
وِبْعِزّةَ اللهْ الطيب زينة حواسِكْ

شاعر ولا في الظنّ حدّ ٍ يجاريك
عالي مقامك دوم لله ِ باسك

عباس المسكري


رد الشاعر حمود المهزاع.....

بياض وجه
[size="4"]

صفّرت ... لك ضربة جزَا وْ لي يباريك
له كرت أحمر لو يلامس لباسك

كثار من لبّيسة البشت يا ( بيك )
والله ما يسوون تكرم مداسك

إقرب تفضّل صدق تَوْنِيْ فِ طاريك
بياض وجْهُ... وْ إِنْت ع الطيب ماسك

كلْ ثوب يتفصّل من الطيب .. ياتيك
لنّه مقاس الطيب صاير مقاسك

ما جيت بتفلسف ولا جيت أباريك
ردّ الهديّه مَنْسِكٍ مِ الْمناسك

هديّتك وصلتْ وِحِنْ لو نهاديك
كل الهدايا الزينَه من فيض كاسك

تنأى عَنَ اكْياس الخلايق أياديك
وِانْتَهْ هنا وِهْناك تنثر كياسك

والحمد لله النوم ما هو بياديك
وإلاّ هديت الناس حتى نعاسك!!!

حمود المهزاع النعيمي