السلام عليكم ورحمة الله وبركاته
عساكم دوم على القوة يارب
يشرفني أن أكون متواجد في منتديات السلطنة الأدبية
وهذا أولى مشاركتي في هذا الصرح الشامخ
قولولها من منطلق منظورها للمستحيــــــل
واللي على مقياسها تاخذ حدود قياسها
وبعد الخطوط الأربعة والدايرة والمستطيل
والهندسة وعلومها وحسابها ومن قاسها
ما جبتها من علم كيف وكم أو علماً قليــل
لي والله أني جبتها أوجبتها من ساسهـــــا
ساس العقول الفاهمة اللي عمرها ما تميـــل
متمركزة بين الثريا ويا كثر حراســهـــــــــــــا
والمرجلة ما قد نصاها بالزمن مير الأصيل
اللي على المقناص قاوي دربها وجرناسها
يا أهل الحروب الناشبة بالأرض والدنيا تزيل
ما قد عرفنا ما بها تلك الصدور وناســها
واللي طعونه قد تسايرنا على طرق الرحيل
ما كنت متوقع تجي طعناتها من كاسهـــــا
البندق اللي محتشر مخزونها يبقى دليــــــل
أمعلقة فوق الكتوف اللي محد (ن) حاسها
أقل حاجه قد تجازيها بالرد الجميـــــــــــــــل
طلقة تجي أبراسها إلين تحني براسهــــــــــــا
ماجد الخروصي