جيت صوبك قادني إحساسي
وطيف شوقي زود أتعبني
في خفوقي أشتكي باسي
كل علاجي عندكم ظني
قلبي صرتوا وعيني وراسي
عند قلبك حبي سكّنّي
من عيونك عوقي وساسي
وطيب عطرك زود جنني
في الثنايا لولو ألماسي
وهج نورك حيل نورني
بلمسة إيدك صابني ماسي
ولمسة إيدي ليتها إثني
من ثغركم إسقني كاسي
وفي حضنكم أبغي أتهني
لون شعرك جابلي نعاسي
فوق متنك خلي ريحني
كل قوامك زين متراسي
في غرامي ليت تعذرني
شبه رسمه فوق قرطاسي
ربي ساقك وحبك أمحني
هو يجيرك من بلا الناسي
في شفاكم دوم أتمني
بعت عمري وبعلن إفلاسي
في رضاكم وقربكم مني
عبدالله بن خزام المعمري