كل مــا عــديت أنــا بنـورة قصيــدة
كــــل خلــــق الله عليــهـا يسألــــون
من سألنــي يكــــرر ســؤاله ويعيــده
من هي نورة يامخــاوي مـن تكــون
هــي قــريبة منــــك أو إنها بعيــدة
هل لها فــي دنيــة مخـاوي شـــؤون
قلت لو تدرون بعلومـــي الـــوكيــدة
ومن هي نورة اللي أنا حبها بجنــون
صدقونـــي بيــــن خلــق الله فـــريدة
بلا شبيه(ن) بالمــــلا بقاصـي ودون
أنا يا كثر ما شفــت بهالـدنيـا الزهيدة
ويا كثر ما ناظــرت عينــي عيـــون
ما ملى عيني ســوى نـورة الوحيــدة
وغير نورة ما ستوى لقلبـــي حنــون
نورة بس اللي قــــدرت قلبي تصيــده
أنا أشهد إنها صادته بسحـــر العيــون
هي حياتـــي وكل أيامـــي السعيـــدة
بشـوفــها أنا أنسـى نفسي مـن أكـــون
نورة عمري ونـــورة أيامي المجيــدة
ولا سوى نورة علـــى روحي تمــون
تامر وتاخــذ حيــاتــــي ولــي تريـــده
وحق خالقــها لــها روحــي تهــــــون