[سميره الحوسني]

هذا آخر ما كتبته الليله بتاريخ 10\4\2010م



مجبور
مجـــبور أضـــحك لــو أشـــوفك تألمــت
وأخـــفي لهـــيب الشـــوق فوســط جوفي
مجـــبور ألـــعب في خــفوقك ولــو مـــت
لأنـــي أداوي مــن جــــروحــك نــــزوفي
مدري حبـــيبي كــنت وإلا إنــت لا زلت؟؟
تـــلبس غـــيابـــي لا تعـــرت حـــروفـــي
أســـرح أفـــكر فــي الخــوالي وقد همت
فيـــمن تغنـــا بــه حـــنــينـــي وخـــوفـــي
وأكـــتب حيـــاتي إبــتدأ(ن)مـــن الســبت
لا مــــرت الجـــمعة وذبـــلت كفــــوفـــي
وشلون حالي بعد شهر(ن)مـــن الكـــبت
تـــعال يـــا واعـــد علـــى الحــب ووفـي
تحــسب غيــابك يحتويني مــن الصمت؟؟
لا والــله إنــه يـــستـــميله خســـوفـــي
وإلا إنـــت أرحـــم من عــذابي إذا نمت
بـــس المصـــيبه ذا الصدى في كهوفي
وشــلــون يرحــمني وتــوني تعلــمت؟؟
إن الألم ســطري وذا الخـــط كـــوفــي
يــا كـــيف تـــقراني ومــني تلجــمــت؟؟
وش ذا قريته فـــي حبـــيب(ن)عــطوفي؟
لا تحسب(ن)ضحكي من القلب لا هنت..
أضـــحك عـــلى نفسـي وأرتب صفوفي
وأقــول بكـــره يحــترينـــي إذا غــبــت
بــس الحــقــيقة قــد تــوالــت حســوفي
يــا مشــغل(ن)بالــي عــسا ما توهمــت
إنـــي نســيتك يـــا حَســين الوصــوفــي
أنسى حـــياتــي وإعـــتبرني أنـــا مـــت
يــا عــين سمــعي ويا أنامــله شوفــي
أقصد يا دمعي لا توقــف وإن شــــفــت
خلــي تــوقف لأجــل يــعــذر ظـــروفـي
تدري ورى الضلعين فــي شــي لك إنت
لـــولا وجــودك مـــا أريــده بــجــوفــي