مساجلة بين الشاعر سالم سلطان والشاعر المخضرم الشايب يوسف ود عبيد الفارسي
سالم:
صلوا على من عابر الوادي الكظيم
قحمت جنوده على مسيلة روضنه
بعد التغربه وسويتوا غي التميم
ويشن علومك من مصنعه الباطنه
يوسف:
على النبي صلينا يالله يا كريم
في راحة الله المناور شاطنه
و(ف) راحة الله كل شئ(ن) فالنعيم
لو مالرزق محد يودر موطنه
سالم:
دايم بنهمك كان تسمع للنهيم
المنجور يسمعلك بصوته ولحنه
يا صايغ الفضه تفضل صوغلي برييم
من صيغتك كلها العرب متفرسنه
يوسف:
أعرفك يسالم إنك رجال فهيم
ولا مرادك شايبك با تمحنه
بصوغلك زمرد ما شئ(ن) قديم
لولو وزمرد ما تباهي معدنه
سالم:
أعرفك تراني صايغ ورجال(ن) فهيم
انته تعرفه الصوغ وتعرفله ثمنه
تو ما تبانا نقصد شيخ بني تميم
نحدثه في أمر الحكم ونراطنه
يوسف:
يالله يسالم صادفنا غزال وريم
يراطن بهندي ومعرفنا نراطنه
في الأوليه قلبي حطمه تحطيم
من زمان الماضي يوحي سباتعشر سنه
سالم:
أنا زماني يجلدلي حبل عسيم
ونته يشلك في كفوفك وحظنه
أنا مخبرني عنك سالم بن سليم
يزافنك ريم الفلى وتزافنه
|