شرع الهوى
شرع الهوى يا صاحبي معروفه **** لا عدل في حكمه ولا انصافي
أضحت قلوب العاشقين تخوفه **** ويباعد الأفكار والأهدافي
يازين منك حالتي مخطوفه **** وأنت بعيد الرد والمسعافي
خلك صدوق لصاحبك وتشوفه **** عسى نجدّد ما مضى أضعافي
وأسكن بقلبي ساحته وطروفه **** بين الضلوع أشتاك والمصيافي
واذكر هموماً بيننا منصوفه **** لي مالها طِبٌ ولا عرّافي
قاسيت من زود العذاب صنوفه **** كل ما يمر الطيف بي خطافي
ابات ساهر والمنام أعوفه **** احاور الاشجان والاطيافي
واليوم قفى ديرته وكهوفه **** لا عاد انا شفته ولا هو شافي
مسلم عساس جداد