أول وتالي بشرْ
.....................لا تفكرني حجرْ
دوم تجرحني وْتُروح
...............واسْكب دموعي قهرْ
غرك قليبي سُموحْ
..................حسبي الله يا قدرْ
غامض (ن) ما لك وضوحْ
..............تسرق أحلامي وْتُمرْ
ما أبي منك شروحْ
..................أفهُمك لو بالنظرْ
ظنتي تبقى نصوحْ
.................تحتويني خير شرْ
صرت لي حلم وْطموح
..............كنت لي سمع وبصرْ
كيف بَنسى هالجروحْ
................تاركه ف قلبي أثرْ
قصتي صدّ وْجموح
.................كِلّها دْروسُ وعبرْ
شدْتِ لِه بْقلبي صُروح
...................بسّ قفى م انتظرْ
كافِ يا قلبي تنوحْ
..................ودع أسباب الكدرْ
صادكُ بْوجه(ن) صُبوح
................من خفى عيبه ظهرْ
وان صفا بعد النزوحْ
..................الحذر منها الحذر
أم عمر 15-4-2018م