[زهرة السوسن]

البنتلي سحرن عجيب
...................ومثلها لِكْزسْ وِجِيبْ

فيها المَعاني مْسطّرةْ
.................لي مقبلت زاد الوجيبْ

والمرسدس كالطائرة
...........في الشكل والسرعةْ رِهيبْ

والرّنجِ سيرةْ معطرةْ
..............عندِ الْمِصاعِبْ مستجيبْ

نِيسانِ طلةْ مسفرةْ
.................نِمْرِ البراري والكثيبْ

الدّوجِ كلّنْ يِذْكرَهْ
................خِذْ لا تُودّي ولا تجيبْ

أما البِأَمْ لوْ تُخْبرهْ
...............ما هَمه الدّرْبِ الْمِريبْ

أوبلْ وأودي مَفْخُرةْ
...............الشّاري والْبايِعْ مُصيبْ

والشّفروليهْ ما أخيرهْ
.................في حلتهْ زاهي قَشيبْ

جيتي وإفجي مْظفرةْ
.............صاروخ حربي موغريب

والإنفنيتي مْدَورَةْ
................دِرْها ورَوّحْ مِسْتطِيبْ

واللنْدْ ريحِ مْزمْجرةْ
...............مَا يكْسرهْ دربنْ صِعيبْ

والبورشِ محلا مَظْهرهْ
.................مأواه في قلْبي رِحِيبْ

عايشْ حياتِه مْغامرةْ
...............مثلِ السفينةْ فِ الغِبيبْ

هذي الفراري مْغندرةْ
................ما راعَها بَرقِ المغيبْ

والفورتشِنرْ با نشكرهْ
................إنْ ما سِرعْ تلقاهِ ذيبْ

مازدا وُفورد مْشمّرةْ
..............يِصْفُو لها القلبِ الكئيبْ

الرّوزِ رايزِ مْخاطرةْ
..................الظنّ فيها ما يخيبْ

تخطفْ علينا مْطَيّرَةْ
................تشْعلْ فوادي باللهيبْ

مَكْسيما يا هِي مَبّهرة
............ما تِرْضى بالحالِ الرتيبْ

حسْبِ الطلبْ متوفرةْ
.............وتْصاحبك حتّى المشيبْ

هذي السوزوكي مْعَسْكرةْ
..............تعزف على لحنٍ طِريبْ

جات الكيا متعنترة
...............رَحّبْ بهِا بْعيدِ وْقِريبْ

من عابها ما نعْذرهْ
..............ما تشتكي هَنةْ وْعيبْ

شوف السُبارو المزهرة
................في دِلّها قلبي صُويبْ

مثل الصّني مِتمخطرةْ
..........كالوردِ في غصنِه الرّطيبْ

والميتسوبيشي مْقَدّرَةْ
..............فنّ وْعزمْ تِغْري اللّبيبْ

هوندا الجميلة مْفاخرَةْ
..............فَ طْباعَها طَبْعِ الإِديبْ

مَحْلا الكرولا مْسَنْدرةْ
...............يا حيّها خيرِ الصّحيبْ

كامْري وِعِيني تْناظرَهْ
.............عنْ هالشوارعْ ما يغيبْ

صِنْفِ المُواتِرْ مَكْثرةْ
................نختارِ مِنْها ما يِطيبْ

بسْ ما نَخَافَه وْنِحْذره
..............ما تتبع الرّايِ الصّويبْ

مُوتَرْ قُوي واتْفرفُرة
..............وُتْقولِ حظّي وِالنّصيبْ

في كلّ يومنْ مَجْزِرةْ
...............ربّي يعينِ المِسْتصيبْ

قصة مريبة مْحيرةْ
..........صوت الهدرز لاعب لعيب

مرة حطام مْكَسّرَةْ
................مرة تنادي من يثيب

وِلّهْ عليلة مْبنشرةْ
............تبغى الدوا ونْتَ الطبيبْ

بالدّين مالي دفترهْ
.............ويصيح همّ الدينِ شيبْ

كِلهْ ع شانِ الفشخرةْ
............وِيلِهْ من الربّ الحِسيبْ

امشِ بأناةْ وْتبصرة
............م يْفيدك الدمع السكيبْ

أم عمر
29-10-2017م













[/right]

[/center][/SIZE][/B][/CENTER]