صابني في غفله وْ زلّـــــــه
سهْم لا يرحم و لا يْبالــــي
شقّ قلبي و الهوى تلّــــــــه
ولا لذيذ النـــوم يهنالــــــي
ضعت في دربي و أنا دِلّــه
ما لقيت مْثيب لأهوالـــــــي
والطبيب أشفق من العلّــــه
ما لقى في طبّه شْفا لــــي
لنّ غيره مــا قُـــوى حَلّــــــه
جرح ميهود الهوى خالــــي
قلبي المجروح عـــام(ن) لــه
شوف حِرّ(ن) شاقه العالي
و كان سيف الغدر بي سلّه
ليت ما يخطيلي مْجالـــــي
كم وليف فْؤاديــــه شَلّـــــــه
وما صدق في وجدهم فالـي
من رمى بسهوم مـــن خِلّـــه
ما اهتنــى أوّل ولا تالــــــي
احترق لـــو يستـــره ظلّـــــه
هُو جريح بـ كلّ الاحوالــــي
سعيد البلوشي
#ارشيفية