كـــذبـة أبــريــل ..!!
أسم ينطرح على مسامعنا كل عام
ما أن يحل علينا أبريل حتى تهـل تلك الاشاعات ..
مصدرها كان الغرب ...
وبركانها غدا العرب ..
قصـة حقيقة أو ربما من وحي خيالي لا أعلـم ..
ولكـن هي فكـرة أتت في مخيلتي لـ أمثل [واقع اليـوم ]..
همسـة..(كل الاسماء الموجودة هي من وحي الخيال لم أقصد بها أشخاصاً معينين )
ياســامعين لـ قصّـتي ما عـاد صبري ينكـتم !
بـ أشكي لكــم عن ضيقتـي يمكـن كذا حـزني يبيـد
من ويـن أبــدا [بلــوتـي]؟ كلْ ما قراري ينحسـم
فيهـا البـدايــة تنتهــي ! وأرجع أحـاول من جديد
ماهيْ قضيتــي كــارثة أو هيْ دمــارٍ للــ أمـم
السـالفـة كلهــا إشـاعة قادهــا (سعـد ويزيـد)
بـ أحكي وأنتـم تحكــموا ،إنْ كـنت جاهل ف الحكـم
مابيـن - مزحــات الهرج أو صـدق أقــوال الرشيـد-
أذكــر ف يــومٍ عــابرٍ ،مرتاح بالي منسجــم
رددّت أبيات الهـوى ،أسمع لـ ( علّوش) القصــيد
وأهتــف معي زيــد الشعــر(حــامد) علــى راس الهمم
وأطرب أنا ويـّا الفهــد،راشـد مع عبد المجيــد^_^
فجـأة ..وصـوت ف هاتفي نبــّه:[ترا سعــد (الاسـم)]
سعـد الـذي لا قال كلمـة ..مستحيل لها يعيـد
دايـم كلامـــه ينضرب فيـه المثـل: (قول و قيـم )
ماظنّــتي يـومٍ كـذبْ أو قال شـي"ن" مو سديـد
رديـت قلتـلّه :{ألو ..يامرحبـا بالـــ(ملـتزم)
أهليــن زود ف صاحبــي،بشّـر/عسى حالكـ سعيـد؟}
قـال:{ العلـوم المخفيـه يا صاح (هيْ أكبـر ألـم)
ياليـت هرجي ينقطـع قبل الخبـر ،خلّـكـ شديـد
ألحـق ترا البيـت أحترق،والنــار شبّت تلتهــم
حارتْكـ كلهـا منّ (الشوارع/والمبـاني/ والعبيـد)}
حيــرة ف قلبـي أبتدت،تميت فـترة منصـدم!
أسأل "إذا هرجـه صدق؟/سيـّارتي دارت بعيـد
حاولت بس السيطــرة ما كنت فيها مفتهــم
وأدّهـورت سـيّارتي ولحـالتي ما بت أحـيد
أقفيت كنّـي راحــلٍ مالـه ف هالدنيـا (علـم)
يوميـن حالي ماكثـٍ ..غيبـوبةٍ فيـني تشـيد
مـدّه خذيت ف نـومتي /ما حـدّ لـ أحوالي جـزم
بس الوكـاد إنّي بخير و(جرح جسمي)لهْ ضميـد
هـلّت دمـوعي يـوم قمتْ أقهر جروحي والسّقـم
:[مالي حيـاةٍ دونهــم....أهلـي محبّتهـم (فقيـد)]
قالوا:{ترا أهلكـ هنا ،لو خاطركـ شوفة لهـم}
لا لا- صرخت بهم - كذب !قالـوا :{حقيـقة يا وليـد}!
تو أنكشف ما كان مخفي /سعـد قالـوا في نـدم
توه درى؟ حسبي على من علّمـه (كذبة) يجيـد
جاني حـزينٍ يعـتذر :{ أرجـوكـ سامح متـهم
في صاحبـه سوّى[جريمـة] بس عفـوكـ له (فريد)
هيْ كـذبةٍ في شهر أبريـل وبدا فيهــا العجـم
ماكنت رايـدها (خطر) مـزحة قصـدْت بها أكيـد
طاحت دمـوعـه في يـدي:{ربي رحيـمٍ بكْ رحـم}
ضحكـة سرت بي للأسف توني دريت إنّي (بليـد)
أي إعتـذار يفيـدني وبـ فرحتي صار الحــلم
ماعاد فاد الفجر ضـوّه دام لشمـوسي زهيـد !
راحت ف حادث صــار لي (رجل) وقمْـت أبكــي (قدم)
أكســر خواطر هالبشـر {محبوس في كرسي حديـد}
حتى جروحي أنكـرتني /مابقى غيـر القـلم
أكتب وأجدد حسرتي [ماعدْت لـ أشغالي مفيـد]
هاذي ترا هيْ ضيقتـي، كذبة ..وفيها يبتسـم
شفتوا نهاية قصّتي ؟!(عاجـز حمـل همـّه وحيـد )
كمــاليــة