ليش يا أمّــي
ليش ياأمي لســــــــاني ينعـــقـــد :: كلّــما قــــلبي وخيــــــالي يــذكره
ليش ياأمي بــصـــيري مـارقــــد :: والدمـــــع ع الخـــد دايم ينـــــثره
ليش ياأمي الوقت كالســـيف حد :: يقطع بسرعه وعـــــمره يبـــــتره
ليش ياأمي عـــن الـــدنيا ابتعـــد :: واختفى وانا فــــــوادي ينــــطره
ليش ياأمي على حــــزن ونكــــد :: واستراح فروضـــته بالمقـــــبره
ليش غادر وانا ماعنــدي أحــــد :: والعــــمر توّه فبدايات صــــــغره
ليش ماخذني على حضنه وصعد :: ليش بابا ما أخــــذني فســـــفره
ليش يتركني على حـــوف وجهد :: والدنــــا من كل بــــاب مـسكـّره
.................
قالت الأقـــدار ياولــــدي تعــــــد :: رحلتـك وانا معــــك ما مقصّــره
بيني وبينك ربط وعـــــــد وعهد :: الرضا باللي الإلــــهي قــــــدّره
ليش ماترضى وانا يلـّـك ســـــند :: ياغناتي في حيـــاتي مفــــــخره
العلم لي يطلبه فـــاز وســـــعـــد :: والرزق للعــــــبد ربّـــك يسّــره
في طريق الخير والدين اجتـــهد :: والحــياه حلوه وفيها المكــــدره
والدك تلـــقاه في يوم الوعــــــد :: واطلب المـــــولى بلطفه يغــمره
.................
مايخيب اللي على ربه اعتــــمد :: والرضا م الوالـــــــدين نقــــدّره
والله يا أمــاه وفــّــيتي الوعـــد :: وادعو لبابــا ثـــــواب ومغـــفره
************
__________________
لاتخلط بين شخصيتي وأسلوبي ...
فشخصيتي هي أنا ... وأسلوبي يعتمد عليك !
|