محاورة بتاريخ14/12/2015
في قروب نجوم الشعر والميدان بين خالد العويسي وسالم بن سعيد المحيجري عن غياب أحد الزملاء وعدم مشاركته فالمجموعة
خالد:
سليم عنا منقصر
مدري علامه وش بلاه
عساه في صحة ونظر
وكلها أموره فالعلاه
سالم:
غايب كعاد له شهر
وقروبنا يمكن نساه
والهاشمي عنده خبر
عن قصته قاضي القضاه
خالد:
تحقيق مطلوب العصر
للحارثي سليم ونباه
ما يستوي يهجر هجر
مثلك نعده م الشراه
سالم:
محتار في هذا الفكر
هذا ترى حكم الاله
وعن غيبته قالوا ظفر
يابخت من ربه هداه
خالد:
نبغى علوم المختصر
هوه تتطوع في صباه ؟
وش عجله بعده قضر!
لكن هداه ربه وعطاه
سالم:
عن قصته حن ما نقر
يا للعجب بلي نراه
ناوي يقولوا يعتمر
لكن وقته ما مداه
خالد:
محظوظ بينال الفخر
اللي سلك درب التقاه
عساه من يسر ليسر
وم الكوثره يشرب هناه
سالم:
حن ودنا بجلسة سمر
يحضر سليم ومن معاه
فالواحده بعد الظهر
بناودعه قاضي الولاه
تمت