[يوسف الهاجري]

قلت:

الصوغ يباع بصبر ولا مال
وبشري أني طوق لاماني
مورد أني بضاع حال مينا
ومتكدر اليوم حلمينا
يلي عقد عزم ولامال
تتحقق تظن ذيك لاماني

قال القلب:

اللاعب على الخط ولا مال
وما يابته البر لعزيمه
يا موتر يوم الدور متكل لف
ويخلي هذي الزمن متكلف
انته طلب العزم والامال
واعقد تو تجيك لعزيمه

قلت:

يا تاجر معي صمغ وصبر معي
ومرن على رفوف كله فنا
يو هايل البر متصب بر
وقلبي على الصبر متصبر
يا قلبي دعي معي وصبر معي
وفي وادي الموت كلفنا

قال القلب:

يتاجر هذي قروش باغي دليل
العورى فذا الدرب وتهيد
يطلب علي فلوس من صبري
وتصبر نته نوب من صبري
خلي على الدرب باغي دليل
أمشي مشي بروف وتهيد

قلت:

يعني سعنه ويراب أعني
ويا خالي قبضوه سارق ربيعه
الشايب على النخل كلف كم
ويا قلبي هذي العقل كلفكم
أنا مبغى دليلن يرابعني
لني اعرفه سارق ربيعه

قال القلب:

رمحي يحداد سنه كذاك
ويسالم هذي سعيد ما راضي
بيقنص غزال ومحصل شي
وعرفه خليلي محصل شي
هالشايب العود سنه كذاك
عن فعايله دوم ماراضي

قلت:

يبى يسرق خزين مالتفقين
ويسارق مترحم تفاقتنا
بدعي جسمنا فجسم واحد
ونته وعقلي فجسم واحد
يقلبي حن وياك متفقين
ولا بتنسى تفاقتنا

قال القلب:

الضيف الذي ياك باندعاه
المولى شكرته وني دعيته
شاري سمك من والطم من
وسرك وسط بير والطمن
يصاحب هذا الأمر باندعاه
والشاهد الله وني دعيته

قلت:

الريم الذي بات وطيه يبات
الساجد مع يدين وطي يبين
يخطب ولدنا بنت سامح
وحنا وياكم بنتسامح
لنكم هل اليود والطيبات
وشهد من خيار والطيبين

وتمت المساجلة عسى أن تنال إعجاب المتذوقين
وإلي لهم باع طويل فالميدان