[سعيد الشحي]

اسمحوا لي أن أضع بين أيديكم هذا النص,واسمحوا لي غيابي لأني لست من مرتادي الإنترنت بكثرة
أرجو قبولي بينكم


فتافيت عشق

صكّــي أزاريـــر العتب واستريـحـــي
مــا عـاد به شــيٍ ٍ يثــير المشـاويــر !!
طعنت غيمي وانكـسـر "سـاق ريـحــي"
وذاك الشـجـر مـا عـاد حضن العصـافيـر
كنتـــي صغيــرة ... أسنــدك لا تـطيحــي
وكنتــي كبيـرة ... وكنت بعـيـونك كبيــر
لا ضـاق صــدر الأرض شــالك فسيحــي
وأصيـر- لــو يبّس خضارك - نــواويـر
مــــــن علّمك سـِــرّ الغلا تستبيحـــي ؟؟
طــارت فــراشاتك و حــطّت مع الغيــر
أزريت أبـــاهي بالريــاحيــن شيحـــي
وتعبت أســامح وألتمس لك معـــاذيـــر
الأرض رحبة ... والسماوات ...سيـحي
مـا عدّت أنا اللي لا سمع باسمك يطيــر
وان دقّــت طبــول المشــــاريـه زيحـي
بـاقـي فتافيت العشـق .. واكملــي السيـر
ولــو أتـعبـك كثـر الغرام استـريـحـــي
صكّــي أزاريــر الســـفـر و المشـاويـر
مـــا عــاد غيمك يحتمل طعـن ريحـــي
وما عادت أغصانك تشيل العصافير !!


سعيد الشحي