قــــــلّي وربّك
قــــــلّي وربّك.. وش بقى عاد تنهيه!!
مات الــــــغلا والشــــــوق ماظـــــنّ باقي
شمع)ن( طفيته.. كيف ظنّك بتضويه!!
لايخدعك ف الحــــــبّ كثر التلاقي
ألّي هويته اكتــــــفى باللذي فيــــــه
من بعد جرحك وش يفيد اشتياقي!!
زرعي جنيته قبــــــل تنضب أراضيه
ولّا زروعــــــك.. ما تلتها السواقــــــي
من راح.. يحسبني على البعد ببكيه
يحرم يلاقـــــي دمعتــــــي و احتراقي
وألّي تغلّــــــى.. بعد مــــــا كنت مغليه
الله وكيله بالجفا كــــــان "راقــــــي"
كــــــم خيّروني.. وقلت غيرك ولا ابيه
أحسبْك الأول بيــــــن ربعي و رفاقي
لكن حسافة.. بان مــــــا كنت مخفيه
واليــــــوم صدّك بيّت القلــــــب شاقي
قلّــــــي وربّك.. كــــــان لــــــك ربّ تتليه
قلّــــــي "نسيتك".. وآنــــــا بعلن فراقي